Версія затрымкі абмену палоннымі: Расія хоча атрымаць падазраванага ў справе «Боінга»
Версія затрымкі абмену палоннымі паміж Расіяй і Украінай, якую называе ў сваім фэйсбуку галоўны рэдактар украінскага выдання Цензор.нет Юрый Бутусаў.
Расія патрабуе выдачы на абмен Уладзіміра Цемаха — камандзіра роты ў 2014-м у Снежным, які з'яўляецца адным з падазраваных у расследаванні гібелі «Боінга МН-17».
26 чэрвеня Цемаха выкралі ўкраінскія спецслужбы са Снежнага. Цемах быў вызначаны як важны сведка расследавання, які раней у інтэрв'ю заяўляў, што мае дачыненне да знішчэння самалёта. Цемах з'яўляецца адной з самых галоўных мэтаў пракуратуры Нідэрландаў.
Менавіта жаданне забраць Цемаха і сарваць расследаванне прымусіла Маскву пайсці на перамовы аб вызваленні палонных, піша Бутусаў.
Судовы працэс па «Боінгу» пачнецца ў Нідэрландах у 2020-м годзе. Цемах можа даць паказанні, калі будзе вывезены ў Нідэрланды і атрымае гарантыі прытулку. Калі Украіна вызваляе Цемаха, яна атрымлівае прэтэнзіі Нідэрландаў, што па віне Кіева сарвана ключавое расследаванне, і Украіна дапамагае Расіі сысці ад адказнасці.
Цяпер чытаюць
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»23
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары