Акцыя «Галіяфаў»: да 8 верасня будзе зніжка да 50% на ўсе кнігі
Да 8 верасня на сайце і ў кнігарні «Галіяфы» (вул.Няміга, 3, цокальны паверх, бокс 47) на ўсе кнігі выдавецтва дзейнічае зніжка да 50%.
Ніжэй сабраны топ-5 кніг выдавецтва.
Вольга Гапеева. «Дзве Авечкі»
«Дзве Авечкі» — гэта паэма для дзяцей і дарослых, якія не перасталі ўспрымаць свет дзіцячымі вачыма.
Вольга Гапеева распавядае тры гісторыі, галоўнымі гераінямі якіх з’яўляюцца авечкі. Тут знойдзецца месца для захапляльных падарожжаў і новых сяброў. Выдатныя ілюстрацыі Марты Герашчанка дапамагаюць стварыць атмасферу казачнага свету.
Славамір Копер.«Жанчыны Другой Рэчы Паспалітай»
Гісторыя змагання жанчын за раўнапраўе і цэлая галерэя яскравых, неадназначных постацей.
«У гэтай кнізе я засяроджваюся на жанчынах, якія ўласнай сілай волі дасягнулі поспеху ў такія часы, калі дамінавалі мужчыны», — кажа Славамір Копер пра сваю кнігу.
Для чытачоў з 18 гадоў.
Міхаэль Кёльмаер. «Дзяўчынка з напарсткам»
Гісторыя пра складанае жыццё вачыма шасцігадовай дзяўчынкі. Гісторыя яе пошукаў свайго месца ў невядомым горадзе.
У цэнтры ўвагі аўтара — такія базавыя тэмы, як цялеснасць, мова, повязі між людзьмі. «Дзяўчынка з напарсткам» — гэта аповед не толькі пра жыццё на задворках грамадства, але і пра чалавечае быццё наагул.
Пераклад з нямецкай Ірыны Герасімовіч.
«Страчаны лёс» — першая кніга венгерскага пісьменніка Імрэ Кертэса, якая ў 2002 годзе прынесла аўтару Нобелеўскую прэмію «за творчасць, у якой крохкасць асобы супрацьпастаўляецца варварскаму дэспатызму гісторыі».
Раман шмат у чым аўтабіяграфічны. Аўтар, як і галоўны герой кнігі, габрэй-падлетак падчас вайны, трапіў у Аўшвіц (Асвенцім), а потым у Бухенвальд. Але раман уражвае не так апісаннямі жахаў канцлагера, як незвычайнай інтанацыяй аповеду, пазбаўленай пафасу і празмерных эмоцыяў. Галоўны герой кнігі па-дзіцячы наіўна ўспрымае ўсё, што з ім адбываецца, намагаецца прыстасавацца, асвоіцца з дадзеным яму лёсам.
Раман «Страчаны лёс» быў перакладзены на беларускую мову ў 2012 Святланай Рогач і выдадзены выдавецтвам «Галіяфы».
Ліля Ільюшына. «Ключ дарог»
На свеце ёсць месца, адкуль пачынаюцца ўсе шляхі і дарогі. Той, хто валодае Ключом ад яго, можа абудзіць даўно паснулыя сцежкі ці назаўжды закрыць шлях да шчасця. Джым выяўляе ў сябе здольнасць кіраваць дарогамі, а ў свайго сябра — дар бачыць смерць. Яны выпадкова даведваюцца, што непрыемнасці ў іх мястэчку — справа містара С., вядомага бізнесмена. Вось толькі як справіцца з ім, калі ён і ёсць Гаспадар Дарог, да таго ж звязаны са старажытнымі ведзьмакамі?
Для дзяцей сярэдняга школьнага веку.
Каментары