Праблема з некарэктнымі балансамі на картках узнікла ў шасці банкаў
Вечарам 31 снежня Банкаўскі працэсінгавы цэнтр паведаміў пра тэхнічны збой у апаратна-праграмным комплексе, у выніку якога «могуць назірацца некарэктныя балансы» па картках шасці банкаў.
Здымак ілюстрацыйны. Фота: «Наша Ніва»
Праблема тычыцца Белаграпрамбанка, Цэптэр Банка, БСБ Банка, Неа Банка Азія, Парытэтбанка і Банка «Рашэнне».
«Цяпер праводзяцца работы па ліквідацыі гэтай сітуацыі», — гаворыцца ў паведамленні.
Пры гэтым незадоўга да таго БПЦ паведаміў пра вырашэнне аналагічнай праблемы, якая ўзнікла напярэдадні у трымальнікаў картак Беларусбанка.
Каментары