Мінскі абласны суд 4 верасня вынес прысуд па другой справе Сяргея Барысевіча, піша Tut.by.
Экс-кіраўнік галоўнага ўпраўлення спажывецкага рынку Мінгарвыканкама Сяргей Барысевіч з улікам папярэдняга прысуду атрымаў 13 з паловай гадоў пазбаўлення волі, гэта значыць тэрмін павялічаны на паўгода. Барысевіча, як і ў першым працэсе, што завяршыўся абвінаваўчым прысудам на 13 гадоў, абвінавачвалі ў атрыманні хабару (частка 2 артыкула 430).
Экс-загадчык камбіната школьнага харчавання (КШП) Ленінскага раёна Браніслаў Рослік прызнаны вінаватым у крадзяжы шляхам злоўжывання службовымі паўнамоцтвамі, ч. 4, арт. 210; злоўжыванні службовымі паўнамоцтвамі, атрыманні хабару, ч. 2 і ч. 3 арт. 430; дачы хабару ч. 2 арт. 431) і прысуджаны да 10 гадоў калоніі ўзмоцненага рэжыму. Па ч. 2 арт. 424 (злоўжыванні ўладай або службовымі паўнамоцтвамі) яго апраўдалі.
Яго жонка, кладаўшчык КШП Ларыса Рослік была прызнаная вінаватай па артыкуле махлярства, ч. 4 арт. 209 КК. Яе прысудзілі да 4 гадоў калоніі агульнага рэжыму. Пры гэтым, да прысуду яна заставалася на свабодзе — у пары ёсць непаўналетняе дзіця.
Экс-галоўны бухгалтар і намеснік кіраўніка КШП Ленінскага раёна Аляксандра Мамацюк за махлярства (ч. 4 арт. 209); пасрэдніцтва ў хабарніцтве (ч. 1 арт. 432) і крадзеж шляхам злоўжывання службовымі паўнамоцтвамі (ч. 4 арт. 210) прысуджана да 7 гадоў калоніі агульнага рэжыму.
Пазоў камбіната школьнага харчавання да абвінавачаных задаволілі: суд пастанавіў спагнаць з Браніслава Росліка і Аляксандры Мамацюк 31,7 тысяч рублёў, і 59 тысяч рублёў - з Ларысы Рослік, і зноў жа, Аляксандры Мамацюк.
Прысуд не ўступіў у законную сілу і можа быць абскарджаны.
У дакументах па «справе Эпштэйна» знайшлі сляды буйных грашовых пераводаў у Мінск. Зноў усплыло імя Карыны Шуляк44
Каментары