Загінуў Герой Украіны лётчык Аляксандр Шэмет: ён здзейсніў апошні авіяпрарыў на «Азоўсталь»
На борце ўкраінскага верталёта Мі-24, экіпаж якога загінуў падчас выканання баявога задання 17 снежня, быў Аляксандр Шэмет. Ён — Герой Украіны, які здзейсніў апошні авіяпрарыў на «Азоўсталь». Мужчына быў камандзірам экіпажа.
«Увечары 17 снежня паступіў загад вылецець на перахоп «шахедаў». Борт падняўся, трымаў сувязь з пунктам кіравання. Пазней на пункце кіравання верталёт на радары не фіксаваўся. Гэта кажа пра тое, што ён ужо ўпаў. Пацвярджэнне гібелі ёсць. На месцы падзення знойдзены чатыры целы. Усе члены экіпажа загінулі. Гэта ўжо факт», — сказаў «Суспільнаму» брат загінулага Юрый Шэмет.
Паводле слоў Юрыя Шэмета, папярэдняе расследаванне ўстанавіла, што верталёт сутыкнуўся з «шахедам».
«Тут яшчэ такія абставіны, што гэты «шахед» не быў бачны на пункце кіравання. Мабыць, ён ляцеў вельмі нізка. Тыя людзі, якія праводзілі расследаванне, кажуць, што такога яны раней не бачылі. Верталёт так моцна пашкоджаны, што яго, можна сказаць, цалкам разарвала на кавалкі. Целы вельмі абгарэлі. Які менавіта «шахед» трапіў у верталёт, таксама пакуль мне не вядома», — распавёў Юрый Шэмет.
«Чаму я павінен даказваць, што не дармаед?» Прадпрымальніка з Гомеля памылкова запісалі ў незанятыя — ён даведаўся толькі пасля вялізных рахункаў за камуналку16
Каментары