Моладзь з'яўляецца драйверам развіцця сельскіх тэрыторый. Такое меркаванне выказаў галоўны ідэолаг у адміністрацыі прэзідэнта Андрэй Кунцэвіч, паведамляе БелТА.
«У свой час прэзідэнт адзначыў, што сучасная моладзь — гэта вытокі нашай новай нацыянальнай ідэнтычнасці. У яе ёсць галоўнае — мірная, незалежная, прыгожая краіна са сваімі традыцыямі і багатай духоўнай спадчынай, гісторыяй, якой маладыя людзі могуць ганарыцца, ёсць дзяржава, дзе можна жыць, вучыцца, працаваць, гадаваць дзяцей», — сказаў Кунцэвіч.
Як адзначыў намеснік кіраўніка адміністрацыі прэзідэнта, у краіне створаны ўмовы для развіцця і рэалізацыі патэнцыялу маладых людзей.
«Моладзі трэба праяўляць сваю неабыякавую пазіцыю як мага часцей і не саромецца рабіць унёсак у развіццё нашай краіны», — дадаў ён.
Цяпер чытаюць
Беларускі кладаўшчык са свастыкай на плячы лячыўся ад алкагалізму ў Сібіры і пайшоў ваяваць за Расію, а застаўся без выплат і працы13
Каментары