Кеніец першым у гісторыі прабег марафон менш чым за дзве гадзіны
Кенійскі бягун Эліуд Кіпчоге стаў першым спартсменам у гісторыі, што прабег марафон менш чым за дзве гадзіны.
Кіпчоге ўзяў удзел у спаборніцтвах Ineos 01:59 Challenge, якія праходзілі ў Вене. Яму ўдалося пераадолець дыстанцыю 42 кіламетры 195 метраў за адну гадзіну 59 хвілін і 40 секунд.
Міжнародная асацыяцыя лёгкаатлетычных федэрацый (IAAF) адмовілася залічваць рэкорд кенійца, бо ён быў усталяваны не на афіцыйных спаборніцтвах. Кіпчоге быў адзіным удзельнікам спаборніцтваў.
Афіцыйны сусветны рэкорд у марафоне таксама належыць Кіпчоге. У верасні 2018 года на Берлінскім марафоне ён прабег за дзве гадзiны адну хвіліну і 39 секунд.
Каментары