У Салігорску мужчына думаў, што прадаў аўтамабіль за $300. Але яго падманулі і купілі за $200
15 кастрычніка ў міліцыю звярнуўся жыхар Салігорска і паведаміў пра тое, што ён стаў ахвярай ашуканскіх дзеянняў пры продажы свайго аўтамабіля, паведамляе прэс-служба міліцыі ў сваім тэлеграм-канале.
Паводле яго слоў, на паркоўцы да яго падышлі двое хлопцаў і папрасілі прадаць ім аўтамабіль Renault. Пасля торгу прадавец і пакупнік сышліся на цане ў 300 даляраў ЗША. Адзін з хлопцаў перадаў мужчыну тры купюры па 100 даляраў ЗША.
Пасля ўгоды маладыя людзі без афармлення селі ў набытую машыну і з'ехалі. Праз нейкі час мужчына выявіў, што адна з купюр аказалася сувенірнай.
У ходзе аператыўна-вышуковых мерапрыемстваў супрацоўнікамі міліцыі быў усталяваны малады чалавек, які перадаў у кошт аплаты сувенірную купюру. Ім аказаўся 16-гадовы навучэнец каледжа. Зараз следчыя разбіраюцца ў абставінах гэтага факту. Заведзена крымінальная справа аб махлярстве (ч. 1 арт. 209 Крымінальнага кодэкса).
Каментары