Прапанавалі замацаваць заканадаўча абавязак браць удзел у перапісе
Абавязак удзельнічаць у перапісе насельніцтва прапануюць замацаваць на ўзроўні закона. Гэта вынікае з законапраекта аб змяненні закона «Аб перапісе насельніцтва», які сёння быў прыняты дэпутатамі ў першым чытанні, піша БелТА.
«У законе «Аб перапісе насельніцтва» прапануецца замацаваць права рэспандэнтаў ведаць мэту правядзення перапісу насельніцтва і абавязак прымаць у ім удзел», — сказала старшыня Нацыянальнага статыстычнага камітэта Іна Мядзведзева, прадстаўляючы законапраект у Авальнай зале.
Такім чынам, замацаванне абавязку рэспандэнтаў удзельнічаць у гэтым мерапрыемстве дазволіць акцэнтаваць увагу на неабходнасці ўдзелу ў перапісе насельніцтва, павысіць адказнасць і свядомасць пры прадстаўленні дакладных першасных статыстычных даных, сказала Іна Мядзведзева.
Таксама яна сёння распавяла, што ў кастрычніку 2027 года пройдзе пробны перапіс у Бабруйскім раёне.
Перапісы насельніцтва ў Беларусі раз на 10 гадоў, папярэдні быў у кастрычніку 2019 года. Перапіс зафіксаваў, што ў краіне жыло 9 млн 413 тысяч чалавек. Паводле перапісу 2009 года, было 9 млн 503,8 тысяч.
Згодна са звесткамі Белстата, на 1 студзеня 2026 года ў Беларусі жыло 9 млн 46 тысяч чалавек.
Каментары
Са свайго боку на адказнасці дзяржавы - даць і грамадзянам гэтую статыстыку публічна і цалкам.
А вось тут нас падманваюць, мінімум з 2020 года.
Калі толькі пасля ў сакрэтных архівах даследчыкі даведаюцца...