Для дасягнення BУП у $100 мільярдаў патрэбны структурныя змены, заявіў прэм'ер-міністр Сяргей Румас сёння на нулявым чытанні бюджэту ў Палаце прадстаўнікоў, перадае БелТА.
«Кіраўнік дзяржавы паставіў нам задачу да канца наступнай пяцігодкі дасягнуць ВУП у $100 млрд. Я вымушаны прызнаць, што сёння пакуль што ўрад дрэнна працуе над выкананнем гэтай задачы», — сказаў Сяргей Румас.
Паводле яго слоў, нягледзячы на ўсе намаганні, эканоміка расце не тымі тэмпамі. Прэм'ер-міністр лічыць справядлівай крытыку ўрада з гэтай нагоды.
Сяргей Румас адзначыў, што ёсць розныя сцэнары, нават з улікам не вельмі добрага 2019 года, якімі павінны быць тэмпы росту эканомікі, каб выканаць гэтую задачу.
«Сёння відавочна, што эканоміка ў цяперашнім яе стане, традыцыйная эканоміка, не здольная генераваць такі ВУП. Мабыць, нам у наступнай пяцігодцы спатрэбіцца вялікая праца па структурных зменах, каб мы стварылі новыя галіны эканомікі, новыя вытворчасці, якія дазволяць гэтага дасягнуць», — лічыць кіраўнік урада.
Цяпер чытаюць
Ціханоўскі адказаў Ціханоўскай: Чамусьці не згадваецца, што рэабілітацыя сына адбывалася ў кватэрах і дамах, якія я купіў104
Каментары