Нацбанк плануе скарачэнне золатавалютных рэзерваў на чвэрць за год, але іх дастаткова, каб вытрымаць нафтагазавы канфлікт
Нацыянальны банк прагназуе змяншэнне золатавалютных рэзерваў у 2020 годзе на чвэрць.
Пра гэта гаворыцца ў дакладзе намесніка старшыні Нацбанка Сяргея Калечыца, паведамляе Svaboda.org.
«На 1 студзеня 2021 года міжнародныя резэрвовыя актывы павінны скласці не менш як 7,3 мільярда даляраў ЗША. Дадзены абʼём улічвае неабходнасць пагашэньня Ўрадам і Нацыянальным банкам парадку 4,3 мільярда даляраў ЗША замежных і ўнутраных абавязальніцтваў, а таксама рызыкі, зьвязаныя з «падатковым манэўрам» у Расейскай Фэдэрацыі», — піша Калечыц.
Цяпер золатавалютныя рэзервы складаюць 9,4 мільярда даляраў. За год яны выраслі на 2,2 мільярда, хоць летась Беларусь таксама выплаціла амаль 4,2 мільярда даляраў пазыкаў.
Цяпер чытаюць
26‑гадовага супрацоўніка элітнага падраздзялення мытні асудзілі на 16 гадоў па наборы палітартыкулаў. Сярод іх і «здрада дзяржаве»2
Каментары