Беларусь адбірае тэхналагічную нафту для нафтаперапрацоўчых заводаў (НПЗ) з трубаправода «Дружба», паведаміў ТАСС са спасылкай на «Белнафтахім».
У канцэрне заявілі, што адбіраюць нафту, не задзейнічаную ў транзіце заходнім спажыўцам, і патлумачылі, што гэта адбываецца з-за «адсутнасці паставак ранейшых аб'ёмаў нафты».
«Гэта наша нафта, яна знаходзіцца ў нашых трубах на нашай тэрыторыі», — сказаў прадстаўнік канцэрна.
Паводле яго слоў, усё выконваецца так, каб не паўплываць на аб'ёмы прапампоўвання транзіту і не знізіць ціск. У канцэрне таксама адзначылі, што расійскі бок быў праінфармаваны.
«Транснафта» пацвердзіла, што атрымала апавяшчэнне. Як адзначылі ў кампаніі, гэта не акажа ўплыву на транзіт з Расіі, але прывядзе да зніжэння прапускной здольнасці на самі беларускія НПЗ. «З нагоды выкарыстання беларускімі НПЗ тэхналагічнай нафты з нафтаправодаў для перапрацоўкі — нас пра гэта праінфармавалі нашы беларускія партнёры. На транзіце праз Беларусь гэта пакуль ніяк не адбілася. Гэта зніжэнне прапускной здольнасці на самі беларускія НПЗ», — сказаў прадстаўнік «Транснафты».
Цяпер чытаюць
Пагражаў вайскоўцам раскрыць, хто з іх гомасэксуал, каб выпытаць сакрэты і прадаць Украіне. Вось за што адыёзны функцыянер БРСМ атрымаў 17 гадоў калоніі2
Каментары