На адным з прадпрыемстваў у Амстэрдаме выбухнула пасылка, як мяркуецца, з бомбай. У выніку інцыдэнту пацярпеў адзін чалавек, паведамляе Nu.nl.
Паводле паліцыі, ліст быў адпраўлены ў офіс кампаніі Unisys, якая займаецца плацежнымі аперацыямі. Адпраўнік таксама пакінуў ліст з пагрозамі і запатрабаваў аплаты ў біткойнах.
Гэта трэці выпадак за апошнія суткі ў Нідэрландах. Днём 12 лютага ўзарваліся паштовыя адпраўленні ў Амстэрдаме і Керкраде, аднак тады ніхто не пацярпеў. Акрамя таго, яшчэ адну пасылку, якая паступіла ў паштовае аддзяленне ў горадзе Леўсдэн, удалося абясшкодзіць.
Па даных партала, на гэты момант зафіксавана атрыманне 11 лістоў з бомбамі, пры гэтым не паведамляецца, за які прамежак часу. Пяць пасылак былі адпраўленыя ў кампаніі, якія знаходзяцца ў Амстэрдаме. Адпраўнік лістоў невядомы.
Каментары