У чэмпіянаце Беларусі па футболе грымнула чарговая сенсацыя. Ды яшчэ якая
У чацвер стартаваў чэмпіянат Беларусі па футболе ў вышэйшай лізе. У першым туры здарылася некалькі сенсацый. БАТЭ ў чацвер прайграў у гасцях «Энергетыку» 1:3, а чэмпіён-2019 брэсцкае «Дынама» на сваім полі ў пятніцу згуляла ўнічыю з дэбютантам «Смалявічамі» (1:1).
Вечарам у пятніцу мінскае «Дынама» на сваім стадыёне прайграла абсалютнаму навічку вышэйшай лігі брэсцкаму «Руху» з лікам 0:1. Гол забіў Аляксей Коўтун.
«Рух» быў адроджаны ў 2016 годзе на базе фанатаў брэсцкага «Дынама». Лічыўся да мінулага года фарм-клубам «Дынама». У 2017-м выйграў першынство вобласці, у 2018-м — другую лігу, а 2019-м у першынстве першай лігі фінішаваў трэцім і ў стыкавых матчах заваяваў права гуляць у элітным дывізіёне.
Чэмпіянат Беларусі па футболе — адзіны чэмпіянат у Еўропе, які праводзіцца. Ва ўсіх астатніх краінах яны былі прыпыненыя з-за пагрозы каранавіруса.
Цяпер чытаюць
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»26
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары