Ідзе краўдфандынг на кнігу «Простыя словы. Міхал Анемпадыстаў». Тэксты кнігі створаныя праз некалькі месяцаў пасля смерці Міхала Анемпадыстава. Пра яго пішуць блізкія, знаёмыя і незнаёмцы, ствараючы своеасаблівую «мапу» выкшталцоных ценяў выбітнага дызайнера, мастака і паэта.
У выданні:
- цікавыя і новыя факты пра Міхала Анемпадыстава;
- яго вершы і песні для «Новага неба» і «Народнага альбома»;
- сцэнарый «Народнага альбома» для польскай тэлевізіі з канферансам Міхала (друкуецца ўпершыню!);
- успаміны больш за 60 аўтараў — творцаў і актывістаў пакалення 90-х (Уладзімер Арлоў, Вольга Бабкова, Лявон Вольскі, Адам Глобус і інш.);
- унікальныя фотаздымкі Міхала, яго сяброў і знаёмых;
- «Магічная мапа» Міхала Анемпадыстава.
Збор сродкаў сканчаецца 31 сакавіка. Паспяшайцеся перадзамовіць кнігу па выгаднай цане!
Міхал Анемпадыстаў — дызайнер, графік, фатограф, паэт, перакладчык і публіцыст. Стваральнік культавага «Народнага альбома», адзін з асноўных аўтараў беларускай рок-паэзіі 90-х. Як дызайнер стварыў канцэпцыю «Колеры Беларусі», а таксама безліч плакатаў, паштоўвак, лагатыпаў, вокладак… Заўчасна памёр у 2018 годзе.
«Падлік галасоў як сатанісцкі рытуал». Былы член камісіі расказаў, як у Беларусі фальсіфікуюць выбары8
Каментары