Святкаванне 75-годдзя Перамогі будзе выдатнай старонкай у гісторыі Беларусі. Пра гэта Аляксандр Лукашэнка заявіў сёння ў часе размовы з удзельнікамі цырымоніі каля храма-помніка ў гонар Усіх Святых, піша БЕЛТА.
«Будзем рыхтавацца да заўтрашняга, цэнтральнага нашага мерапрыемства (парада), якое, на жаль, — часы, бачыце, як мяняюцца — неадназначна ўспрымаецца вакол.
Як сказаў тут уладыка, мы сапраўды вымушаныя стаяць як Брэсцкая крэпасць. Яшчэ раз хачу сказаць: вялікае бачыцца на адлегласці. Пройдзе час, людзі, і перш за ўсё моладзь, ацэняць гэтыя дні.
Я сёння перакананы абсалютна, што гэта будзе выдатная старонка ў гісторыі нашай краіны, — заявіў Аляксандр Лукашэнка.
— Выдатная таму, што мы з вамі выстаялі, як яны калісьці. Яны паклалі жыцці ў імя таго, каб мы сёння жылі. Ну і хаця б адзін раз у год у гэты святы дзень з годнасцю і гонарам ўспаміналі нашых герояў.
Мы інакш не можам. Гэта адзіная прычына — мы не можам інакш. Мы павінны паступіць так, як рабілі яны, верачы ў будучыню. У імя будучыні, у імя нашага жыцця. А ацэнкі дамо потым».
Каментары