На тэрыторыі Беларусі разведаны 82 радовішчы прэсных пітных вод, якія не патрабуюць водападрыхтоўкі для бутылявання.
На тэрыторыі Беларусі разведаны 82 радовішчы прэсных пітных вод, якія не патрабуюць водападрыхтоўкі для бутылявання.
Пра гэта паведаміў міністр прыродных рэсурсаў і аховы навакольнага асяроддзя Лявонцій Харужык, выступаючы 2 красавіка перад членамі савета рэспублікі.
Цяпер, паводле слоў міністра, стаіць задача акцэнтаваць увагу мясцовых органаў улады і прыродакарыстальнікаў на будаўніцтве заводаў па разліву такіх вод, што актуальна з улікам магчымасці экспартаваць гэтую прадукцыю. Чакаецца, што першыя такія прадпрыемствы могуць з’явіцца ў 2009 годзе ў Мінскай вобласці.
Закранаючы пытанне аховы і выкарыстання водных рэсурсаў, Л.Харужык зазначыў, што Беларусь займае другое месца ў Еўропе па запасах прэснай вады на душу насельніцтва,
у краіне «каласальны запас прэснай пітной вады».
Пакуль у Беларусі выкарыстоўваецца 3,5% існуючых запасаў падземных і паверхневых вод.
Л.Харужык паведаміў, што ў краіне арганізаваны ўлік спажывання водных рэсурсаў. На 92% існуючых водазабораў устаноўлены адпаведныя прыборы і кантралюецца 98% усяго аб’ёму вады, якая забіраецца. Астатнія 2% — гэта спажыванне вады ў сельскай мясцовасці.
Паводле слоў міністра, жорсткі ўлік спажывання вады, укараненне паўторна‑паслядоўных сістэм садзейнічаюць зніжэнню спажывання воднага рэсурсу ў вытворчасці і ў быце. Для параўнання, у Беларусі спажыванне вады на чалавека складае 172 куб. м у год, у Расіі — 557 куб. м.
Паводле інфармацыі Л.Харужыка, цяпер у Беларусі ў сістэме паўторна‑паслядоўнага выкарыстання варочаецца 6 млрд. 600 млн. куб. м вады. Спажыванне вады складае 1 млрд. 600 млн. куб. м у год.
Каментары