Ярмошына кажа, што насамрэч Канапацкая здала нават больш за 150 тысяч подпісаў
У ЦВК Беларусі распавялі, колькі подпісаў здалі прэтэндэнты ў прэзідэнты для рэгістрацыі кандыдатамі, піша Tut.by.
Аляксандр Лукашэнка — 1 958 800
Віктар Бабарыка — 367 179
Валерый Цапкала — 158 682
Ганна Канапацкая — 151 631
Сяргей Чэрачань —149 750
Андрэй Дзмітрыеў — 110 754
Святлана Ціханоўская — 109 479
Нагадаем, 30 чэрвеня ЦВК Беларусі апублікаваў канчатковыя звесткі аб правераных подпісах, сабраных за вылучэнне кандыдатаў у прэзідэнты.
Паводле інфармацыі ЦВК, пасля праверак у Валерыя Цапкалы засталося 75 249 подпісаў. У Віктара Бабарыкі — 165 744, у Аляксандра Лукашэнкі — 1 939 572, у Ганны Канапацкай — 146 588, у Сяргея Чэрачня — 143 109, у Андрэя Дзмітрыева — 106 841, у Святланы Ціханоўскай — 104 757.
Ганна Канапацкая 29 чэрвеня казала, што здала ў камісіі 110 тысяч подпісаў. У даных ЦВК жа адзначана, што пасля ўсіх праверак у Канапацкай засталося 146 588 сапраўдных подпісаў. Потым Канапацкая патлумачыла, што яе каманда здала больш, а 110 тысяч — колькасць подпісаў, якія яна здала ўласнаручна, а 35 тысяч здалі ў рэгіёнах.
Андрэй Дзмітрыеў таксама заявіў, што здаў больш за 107 тысяч, пра якія казаў раней.
У штабе Сяргея Чэрачня заявілі, што здалі ў камісіі 106 тысяч подпісаў і не ведаюць, як пасля праверак сапраўднымі былі прызнаныя 143 109 подпісаў выбаршчыкаў.
Цяпер чытаюць
Хто забараняе ў Беларусі кнігі — вось гэтыя 22 чалавекі33
Хто забараняе ў Беларусі кнігі — вось гэтыя 22 чалавекі
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары