Дэпутатка Ананіч: Нельга верыць у аб'яднанне выпадковых спадарожніц, якія прымяраюць німб Ефрасінні Полацкай
Дэпутатка Палаты прадстаўнікоў, былы міністр інфармацыі Лілія Ананіч працягвае асвойваць сацыяльныя сеткі. Чарговы яе допіс, «жаночыя думкі», як піша Ананіч, прысвечаны аб'яднанню штабоў Святланы Ціханоўскай, Віктара Бабарыкі і Валерыя Цапкалы.
«Пакуль у душных штабах асобных кандыдатаў кіпяць жарсці і збіраюцца сілы на дзявочніках, давераныя асобы кандыдата ў прэзідэнты Аляксандра Рыгоравіча Лукашэнкі дружна пайшлі да людзей. Ёсць што сказаць!
«Дзявочнікі» — рэч добрая і нават шчырая. Асабліва калі збіраюцца сапраўдныя сяброўкі. У аб'яднанне выпадковых спадарожніц, якія яшчэ і «мараць» пра трыумвірат і прымяраюць на сябе ледзь не німб Ефрасінні Полацкай, верыць нельга.
Ненадзейна. Ды і «самазванствам» папахвае. Ва ўсякім разе, ад большасці беларусаў выступаць — вялікая ганарлівасць!
І яшчэ. Заўсёды лічыла, што галоўная місія жанчыны на зямлі — дарыць жыццё, несці ў свет прыгажосць і гармонію, ствараць. На слова «ствараць» мой асаблівы акцэнт. Ствараць, а не разбураць!» — піша Ананіч.
Чытайце таксама:
«Вераніка Цапкала — вялікае адкрыццё». Але прэс-канферэнцыя трыумвірату пакінула неадказанае пытанне
Прэс-канферэнцыя трыумвірату: асноўныя пункты
Цяпер чытаюць
Былы палітвязень знайшоў у Вільні падпрацоўку ў чаце — і трапіў пад крыміналку за правакацыі супраць Украіны13
Каментары