Дзяржава не дапусціць дэстабілізацыі сітуацыі ў краіне падчас выбараў. Пра гэта Аляксандр Лукашэнка заявіў сёння на нарадзе па бяспецы выбарчай кампаніі, піша БЕЛТА.
Кіраўнік дзяржавы звярнуў увагу кіраўніцтва МУС: праваахоўныя органы для недапушчэння дэстабілізацыі становішча ў краіне і выяўлення падазроных асоб павінны актыўна ўзаемадзейнічаць з насельніцтвам.
Ён заўважыў, што многіх правакатараў удалося затрымаць толькі дзякуючы пільнасці грамадзян.
«Шчыра прызнаюся, і, напэўна, вы мне новага не скажаце: мы не ведаем, на што яны здольныя. Мы нават не ведаем, хто яны. Ці гэта амерыканцы з натаўцамі, ці з Украіны нас хтосьці падціскае, ці нас усходнія браты так моцна «любяць» — мы нават не ведаем.
Ідзе гібрыдная вайна супраць Беларусі, і мы павінны чакаць паскудстваў з любога боку. Што мы, дарэчы, і робім», — падкрэсліў Аляксандр Лукашэнка.
Каментары