У Слуцку затрымалі карэспандэнтку «Новага часу» Зінаіду Цімошак
Як паспела паведаміць рэдакцыі Зінаіда Цімошак, яе прывезлі ў РАУС проста з вёскі, дзе яна знаходзілася. Пакуль журналістка сядзіць у крыміналістаў, гэта цягнецца ўжо больш за 2 гадзіны, піша БАЖ.
«Прыехалі зранку ў 9 гадзін у вёску. Мусіць, вызначылі па тэлефоне. Не далі дапаліць печку. Кінула гарэць. Прасіла пачакаць, пакуль дапалю, не хацела ехаць. Патрабавала позву — прадэманстравалі кайданкі. Ехала на сваей машыне, але ззаду сядзела жанчына-крыміналістка», — паведаміла нам Зінаіда Цімошак.
Яе затрымалі нібыта «дзеля прафілактыкі». Таксама Зінаіда Цімошак паведаміла, што сёння раніцай затрымалі слуцкага актывіста Яўгена Азёрнага.
Верагодна, затрыманні адбыліся ў сувязі з акцыяй ушанавання памяці ахвяраў гета ў Слуцку, якая адбылася ўвечары 21 кастрычніка і якую асвятляла Зінаіда.
Тады невялічкая групка случчан ледзь паспела ўскласці кветкі ахвярам слуцкага гета, як з’явіліся міліцыянты і абвясцілі іх вінаватымі ў здзяйсненні правапарушэння.
Зінаіду Цімошак не раз затрымлівалі міліцыянты, апошні раз затрыманне адбылося ў Слуцку 4 жніўня.
Цяпер чытаюць
Хто забараняе ў Беларусі кнігі — вось гэтыя 22 чалавекі33
Хто забараняе ў Беларусі кнігі — вось гэтыя 22 чалавекі
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары