Парадак у Мінску будзе наведзены, на тое і існуе ўлада. А нязгодным час супакоіцца. Пра гэта ў эфіры тэлеканала «СТБ» заявіў памочнік Лукашэнкі — інспектар па Мінску Аляксандр Барсукоў.
— Людзі пачынаюць разумець: а што далей? Да чаго мы прыйдзем? <…> Вы на вуліцу не выйдзеце наогул, будзеце баяцца, кароткімі перабежкамі бегаць. Што, вернецеся ў старыя часы, як у 1990-я было? — задаўся пытаннем памочнік Лукашэнкі, адзначыўшы, што з затрыманых сёння ўдзельнікаў акцыі пратэсту ў сталіцы 68 чалавек раней ужо былі судзімыя.
На думку Барсукова, моладзі было б карысна пагаварыць пра жыццё ў Беларусі ў 90-я гады. Ён прапанаваў маладому пакаленню менш сядзець у інтэрнэце, а выйсці на вуліцу і ацаніць рэальнасць самастойна.
Таксама Барсукоў распавёў, што па розных каналах ад мінчан паступае шмат зваротаў з просьбай навесці парадак у горадзе і нагадаў, што на навядзенне парадку ў сталіцы Лукашэнка адвёў адзін тыдзень.
Барсукоў паабяцаў зрабіць усё магчымае, каб не азмрочыць людзям свята, што надыходзіць — Новы год.
Сталі вядомыя падрабязнасці таго, як у В'етнаме затрымалі Верамейчыка21
Каментары