У Пінску знікла сувязь з журналістам «Медыя-Палесся» Яўгенам Мікалаевічам
Яўгена Мікалаевіча выклікалі ў аўторак, 24 лістапада, у аддзяленне крымінальнага вышуку для апытання. У якасці каго і ў рамках якой справы, не патлумачылі. У 14:30 ён папярэдзіў пра гэта галоўнага рэдактара і пайшоў на размову, піша БАЖ.
Увесь вечар сувязі з журналістам не было, яго тэлефон недаступны і раніцай.
Начальнік Пінскага ГАУС Дзмітрый Каравякоўскі на пытанне рэдактара Святланы Гарда аб выкліку і месцазнаходжанні Яўгена Мікалаевіча сказаў, што нічога не ведае, паколькі ў вытворчасці Пінскага ГАУС знаходзіцца 1800 матэрыялаў. Ён прапанаваў напісаць пісьмовы запыт.
Яўгена Мікалаевіча, які асвятляў акцыі пратэсту ў Пінску, судзілі ўжо двойчы і каралі суткамі за працу на акцыі 10 жніўня, а таксама за знаходжанне на плошчы 30 жніўня — тады ён наогул стаяў у баку. Другі тэрмін журналіст не адбываў, пастанова была абскарджаная ў абласным судзе.
Цяпер чытаюць
Хто забараняе ў Беларусі кнігі — вось гэтыя 22 чалавекі33
Хто забараняе ў Беларусі кнігі — вось гэтыя 22 чалавекі
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары