Радыё «Свабода» падвяло вынікі конкурсу.
Радыё «Свабода» падвяло вынікі конкурсу на найлепшы пераклад песні Аляксандра Рыбака, з якой ён перамог на «Еўрабачанні». Паводле рашэння журы, найлепшы твор удаўся аўтару, які хаваецца пад псеўданімам Кастусь Знарачан. Яму тое ўдалося лепей за масцітых супернікаў, у тым ліку Сержука Сокалава-Воюша.
Казка
Мне дзяўчынку‑аблачынку
Лёс з нябёс, відаць, паслаў.
Патаналі мы ў абдымках,
Я ёй вусны цалаваў.
Я кахаў, святы і грэшны,
Як я ўмеў адзін.
Са слязой цяпер усмешка,
З жалем успамін.
Дзень сварыў — мірыла ночка,
Што было, даўно прайшло.
З аблачынкай‑сінявочкай
Маё шчасцейка сплыло.
І няма душы спачынку,
Памяць рады не дае:
Пра дзяўчынку‑аблачынку
Мары марныя мае.
Я кахаў, святы і грэшны,
Як я ўмеў адзін.
Са слязой цяпер усмешка,
З жалем успамін.
Каментары