Пра гэта ён заявіў сёння, размаўляючы ў Мінску з прадстаўнікамі калектыву «Гарызонт», піша БелТА.
У Лукашэнкі пацікавіліся пытаннямі пераводу жыллёвага фонду на абаграванне электрычнасцю. Рэч у тым, што на «Гарызонце» наладзілі выпуск даступных і канкурэнтных электрычных воданагравальнікаў.
Лукашэнка расказаў, што ў гэтым напрамку ў краіне ўжо вядзецца праца, будуюцца новыя дамы з электраабаграваннем, электраплітамі. «Цалкам на электрычнасць пераводзім. І вы бачыце, што электрамабілі свае мы ўжо пачынаем вырабляць. Не толькі купляць. Вельмі стымулюем», — адзначыў ён.
Акрамя таго, у сферы гарадскога транспарту ўжо актыўна выкарыстоўваюцца электробусы.
«У сваім пасланні (навагодні зварот) я электрамабілі згадваў, але галоўны пасыл быў, што Гасподзь нас, напэўна, каранавірусам і пакараў, што мы проста па-хамску ставімся да прыроды. Калі ў нас не будзе гармоніі з прыродай, мы будзем нездаровыя і дзеці нашы будуць жабракамі», — сказаў Лукашэнка.
Ён адзначыў, што ў шэрагу еўрапейскіх краін ужо вызначаны тэрміны, калі з вуліц павінны знікнуць аўтамабілі з рухавікамі ўнутранага згарання. «У нас ёсць шанец раней гэта зрабіць, і мы гэта будзем рабіць», — упэўнены Лукашэнка.
Ён патлумачыў, што ў гэтых мэтах у тым ліку будзе выкарыстоўвацца электраэнергія БелАЭС. Станцыя таксама дазволіць значна зэканоміць на закупцы імпартнага прыроднага газу.
Цяпер чытаюць
Куды цяпер едуць вучыцца беларускія студэнты — топ краін і тэндэнцый8
Каментары