У Менск прыляцеў пераможца Еўрабачання Аляксандр Рыбак
Позна ў чацвер у Менск прыляцеў пераможца Еўрабачання Аляксандр Рыбак. Яго запрасіў тэлеканал АНТ для ўдзелу ў шэрагу сваіх праектаў.
Прыватны самалёт прызямліўся ў аэрапорце Мінск-1 позна ўвечары. На борце было пяць чалавек - Аляксандр і ягоная мама, а таксама два хлопцы і дзяўчына.
Паколькі Рыбак прыляцеў па запрашэнні АНТ, на сустрэчу са спеваком не пусцілі журналістаў. Яны чакалі на вуліцы, разам з некалькімі дзесяткамі фанатак, пераважна школьна-студэнцкага ўзросту.
Тымчасам, ля трапу Рыбака сустрэлі тры скрыпачкі, якія выканалі ягоную «Казку». Затым спеваку ўручылі торт у выглядзе зубра. Жывёліна, праўда, атрымалася невыразнай, таму Аляксандр запытаўся: «Гэта жаба ці рыба?»
Непасрэдна ў менскім аэрапорце нарвежскаму грамадзяніну з беларускімі каранямі аформілі мясцовую візу. Затым АНТшныя ахоўнікі зрабілі «калідор» і вельмі хутка правялі спевака да мікрааўтобуса, што быў прыпаркаваны ў некалькіх метрах ад дзвярэй аэрапорта.
Фанаткам не пашанцавала — ні аўтографа, ні паветранага пацалунка. Рыбак толькі на імгненне высунуўся з аўто і коратка падзякаваў усім прысутным на чысцюткай расейскай мове.
Начаваць спявак будзе ў гатэлі Crowne Plaza. Заўтра Рыбак возьме ўдзел у канцэрце «Новыя галасы Беларусі». Кажуць, што сярод гледачоў будзе сам Лукашэнка.
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу7
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары