На пляцоўцы па продажы патрыманых машын дзяўчынка падрапала 12 аўтамабіляў. Сума шкоды — каля тысячы даляраў.
«Аўтагродна» публікуе невялікі фрагмент відэа, на якім закрытыя твары, аднак у распараджэнні ўладальнікаў аўтакоміса ёсць кадры з выразнай дэталізацыяй.
— Днём 30 снежня да нас на пляцоўку прыйшла сям'я з дзецьмі. Пакуль дарослыя спакойна аглядалі аўтамабілі і прыцэньваліся, іх старэйшая дачка гуляла побач з каменьчыкам у руцэ. Бацькі нават не бачылі, што іх дзіця ставіць пазнакі на кузавах машын, — распавёў уладальнік аўтасэрвісу.
Пазнакі на аўтамабілях супрацоўнік пляцоўкі заўважыў бліжэй да вечара. Спачатку на адным аўто, потым на суседнім. Так налічылі 12 машын з падобнымі «роспісамі». А пасля вывучэння запісаў з камер убачылі, як гэта адбылося.
На месца здарэння выклікалі міліцыю. На камерах было відаць, што адзін з членаў сям'і кудысьці тэлефанаваў. У міліцыі высветлілі, што ў гэты час базавая станцыя зафіксавала 100 выклікаў. Па пашпартных звестках былі звераны ўсе ўладальнікі, зарэгістраваныя на гэтыя нумары, але нікога падобнага не знайшлося. На 14 студзеня выніку няма. Але ў міліцыі маюцца запісы з іншых вулічных камер, дзе выразна бачныя твары.
Прадстаўнікі аўтасэрвісу ўпэўненыя, што бацькі дзяўчынкі нават не здагадваюцца аб сітуацыі, таму просяць іх звязацца з імі. Калі тыя гатовыя неяк кампенсаваць шкоду, то заяву з міліцыі яны забяруць.
Цяпер чытаюць
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці66
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці6
Хочаце жыць доўга — шукайце раён з нармальнымі дрэвамі. Навукоўцы высветлілі, што дрэвы ратуюць ад інфарктаў, а газоны могуць нават нашкодзіць здароўю44
Каментары