Выпадак апісваецца ў тэлеграм-канале Віктара Бабарыкі.
Максім Знак і Марыя Калеснікава сустракаюцца з адвакатамі, паведамляе тэлеграм-канал, у кабінетах для асабліва небяспечных злачынцаў, якія прысуджаныя да пажыццёвага тэрміну або смяротнага пакарання.
У СІЗА на Валадарскага два такія кабінеты. Марыю і Максіма ад адвакатаў аддзяляюць глухія дзверы, невялікае акенца і сетка. Сустрэчы ж са следчымі праходзяць у звычайных кабінетах, але калі Марыя і адвакат павінны сустракацца далей у гэты дзень, то іх пераводзяць у адзін з двух асаблівых кабінетаў.
19 студзеня здарыўся казус. Людміла Казак чакала Марыю. Але замест падабароннай у кабінет завялі Максіма.
«Гэта не да мяне», — сказала Людміла канваірам.
«Не, гэта да вас», — прагучаў адказ і дзверы за Максімам Знакам зачынілі на замок.
Максім усміхнуўся, перадаў прывітанні. Аповед аб кароткай сустрэчы з Максімам падняў настрой і Марыі.
Цяпер чытаюць
Пакалечаная ў Дубаі ўкраінская мадэль сцвярджае, што адным з яе катаў быў 28-гадовы беларускі тэмшчык. Вось што пра яго вядома23
Каментары