Сіноптыкі: другая дэкада лютага будзе таксама марознай — на наступным тыдні да -26°C
Другая дэкада лютага будзе такой самай марознай, як і першая, аднак паменшыцца колькасць снегападаў і сціхне вецер. Такі прагноз зрабіў у эфіры тэлеканала «АНТ» Дзмітрый Рабаў.
У панядзелак, 15 лютага, на тэрыторыі Беларусі ўстановіцца воблачнае з праясненнямі надвор'е. Кароткачасовы снег чакаецца толькі па паўднёвым захадзе.
У начныя гадзіны тэмпература паветра будзе вагацца ад -13°C да -20°C, пры праясненнях -21°C…-26°C. Днём жа будзе -7°C…-14°C. Пры гэтым па паўднёвым захадзе краіны ноччу будзе -9°C…-12°C, а днём — -4°C…-6°C.
У аўторак, 16 лютага, і ў сераду, 17 лютага, захаваецца воблачнае з праясненнямі надвор'е. Кароткачасовы снег пройдзе месцамі па краіне. Будзе паўночны ўмераны вецер.
Ноччу слупок тэрмометра апусціцца да -15°C…-22°C, пры праясненнях — да -26°C, а днём — будзе вагацца ад -5°C па захадзе да -12°C па ўсходзе краіны.
У чацвер, 18 лютага, і ў пятніцу, 19 лютага, у Беларусі будзе без істотных ападкаў. У начныя і ранішнія гадзіны можна будзе назіраць туман. На асобных участках дарог галалёдзіца.
Ноччу слупок тэрмометра будзе вагацца ад -17°C да -23°C, пры праясненнях — да -26°C. Днём тэмпература паветра складзе -7°C…-14°C.
У выхадныя маразы пачнуць павольна слабець. У суботу, 20 лютага, у начныя гадзіны будзе ад -7°C па захадзе да -26°C па ўсходзе краіны, днём адпаведна ад -1°C да -14°C. У нядзелю, 21 лютага, яшчэ трохі пацяплее: пад раніцу будзе -4°C…-10°C, а ў сярэдзіне дня будзе ад +3°C па захадзе да -3°C па паўднёвым усходзе краіны.
Цяпер чытаюць
Вось як выглядае з космасу асвятленне Мінска ў параўнанні з суседнімі сталіцамі ФОТАФАКТ7
Каментары