У Полацку затрымалі студэнтку ПДУ — яе падазраюць у абразе прадстаўніка ўлады
У Полацку 26 сакавіка затрымалі 21-гадовую студэнтку гуманітарнага факультэта ПДУ Аляксандру Буку. Дзяўчыну падазраюць у абразе прадстаўніка ўлады (артыкул 368 КК). Яна знаходзіцца ў ІЧУ. Пра гэта Tut.by паведаміла маці cтудэнткі Юлія Бука.
— Учора Алеся — так мы называем Аляксандру дома — вярнулася ў інтэрнат з заняткаў ва ўніверсітэце. Да яе ў пакой прыйшлі з ператрусам. Яна паспела мне пра гэта паведаміць па тэлефоне. Ад яе сяброў я даведалася, што пры ператрусе ў дачкі канфіскавалі тэхніку, магчыма, нешта яшчэ. Пазней удалося высветліць, што Алеся затрыманая да 72 гадзін па падазрэнні ў здзяйсненні злачынства па артыкуле 369 КК (Абраза прадстаўніка ўлады). Яна знаходзіцца ў ІЧУ, — распавяла Юлія Бука.
У дзяўчыны ёсць адвакат, ёй, па словах маці, у суботу абяцалі дазволіць перадаць перадачу.
Аляксандра вучыцца на 4 курсе гуманітарнага факультэта Полацкага дзяржуніверсітэта, на спецыяльнасці «рамана-германская філалогія».
Дзяўчына мае актыўную грамадзянскую пазіцыю. У кастрычніку яна разам з іншымі студэнтамі ПДУ ўдзельнічала ў відэазвароце супраць беззаконня і гвалту ў Беларусі пасля выбараў. Неўзабаве ўсіх дзейных асоб гэтага роліка выклікалі на размову да пракурора Наваполацка Анатоля Аўсюка.
У сакавіку Аляксандра Бука і яшчэ трое студэнтаў ПДУ ўдзельнічалі ў флэшмобе, прысвечаным палітвязням: у знак салідарнасці з імі маладыя людзі пагалілі галаву. Пасля гэтага ў ВНУ прыйшла старшая памочніца пракурора Наваполацка Кацярына Ярома.
Маці Аляксандры — Юлія Бука — прадпрымальніца, гаспадыня аграсядзібы «Родны кут» у вёсцы Валодзькава Глыбоцкага раёна. Жанчына размаўляе на беларускай мове, беларускамоўным турыстам на яе сядзібе прадастаўляюцца зніжкі. Любоў да нацыянальнай культуры, гісторыі, мовы Юлія перадала і сваім траім дзецям. Аляксандра — малодшая з іх.
Цяпер чытаюць
Выйшаў на свабоду беларус, якога ў свой час прысудзілі да пажыццёвага зняволення. Гэта першы вядомы такі выпадак9
Каментары