У мінскай краме прадаюць за 119,99 рубля ланган — папулярны ў такіх азіяцкіх краінах, як Кітай, В’етнам, Тайланд. Яго заўважылі на прылаўку аднаго з мінскіх супермаркетаў сеткі Green, піша Onliner.by.
Ланган мае шчыльную карычневую лупіну, а пад ёй — напаўпразрыстую белую мякаць з костачкай. У інтэрнэце смак пісваюць як свежы, салодкі, з мускусным адценнем і лёгкай кіслінкай — падобны да лічы і вінаграду, але больш экзатычны. Нягледзячы на тое, што па памерах ланган нагадвае буйную маліну, з пункту гледжання батанікі ён адносіцца да фруктаў, а не да ягад.
Ланган лічыцца нізкакаларыйным прадуктам — на 100 грамаў у ім 60 ккал, 14 грамаў вугляводаў, 1,3 грама бялку і 0,1 грама тлушчаў.
На ўпакоўцы пазначана, што гэта ўраджай 2024 года, а тэрмін прыдатнасці — 90 дзён з даты ўпакоўкі. Імпартуе фрукт у Беларусь кампанія ТАА «Фуд Сістэма».
Цяпер чытаюць
«Стрэльба калі і стрэліць, то наўрад ці кулямётнай чаргой». Максім Знак ацаніў рэальнасць пагроз беларускай прапаганды пазбавіць грамадзянства палітэмігрантаў1212
Каментары