Севастопальскі гарадскі суд прысудзіў да 12 гадоў калоніі жыхарку Крыма 1955 года нараджэння, прызнаўшы яе вінаватай у дзяржаўнай здрадзе, а менавіта ў перадачы сакрэтных звестак разведцы Мінабароны Украіны, піша Бі-бі-сі.
Аб прысудзе ў панядзелак паведаміла прэс-служба суда. «Ураджэнка Бахчысарая, 1955 года нараджэння, была прыцягнутая прадстаўніком замежнай дзяржавы да сакрэтнага супрацоўніцтва з галоўным упраўленнем разведкі Міністэрства абароны Украіны», — гаворыцца ў прэс-рэлізе.
У судзе не назвалі прозвішча асуджанай — яна пазначаная як «грамадзянка Д». ТАСС і «Інтэрфакс» са спасылкай на свае крыніцы паведамляюць, што гэта пенсіянерка Галіна Даўгаполая. Яе ж імя і прозвішча называла раней «Крымская праваабарончая група». Крымінальная справа судом разглядалася ў закрытым рэжыме, паколькі ў матэрыялах справы ўтрымліваліся звесткі, якія складаюць дзяржаўную таямніцу. Першае судовае пасяджэнне адбылося 17 лютага.
«Грамадзянка Д. выконвала разведвальныя заданні, накіраваныя на збіранне звестак аб асобным авіяцыйным палку Чарнаморскага флоту, якія раскрываюць тэрміны дзеяння пазыўных, частот і ключоў, індэксаў радыёстанцый, ключоў да табліц радыёпазыўных, табліц дзяжурнага радыста і табліц тэлефонных, тэлеграфных, радыё- і сцяжных пазыўных на мірны час», — паведаміла прэс-служба суда.
Яе прызналі вінаватай па артыкуле 275 КК РФ (Дзяржаўная здрада). Прысуд вынесены ў сярэдзіне мінулага тыдня, гаворыцца ў паведамленні суда.
Федэральная служба бяспекі Расіі ў лістападзе 2019 года паведамляла аб затрыманні ў Севастопалі жанчыны, якая «была завербаваная ўкраінскімі спецслужбамі і па заданні Галоўнага ўпраўлення разведкі Мінабароны Украіны мэтанакіравана ажыццяўляла збор сакрэтных звестак ваеннага характару».
Тады ж яна была арыштаваная ў Севастопалі. Пасля гэтага яе маглі этапаваць у маскоўскі следчы ізалятар «Ляфортава» — рашэння аб падаўжэнні арышту падчас следства прымаў Ляфортаўскі суд Масквы.
Цяпер чытаюць
Telegram выдаліў свой афіцыйны беларускі канал — верагодна, каб не падстаўляць людзей. Але многія паспелі падставіцца8
Каментары