Гомель: пракурор просіць чатыры гады калоніі за муляж петарды і нацыянальны сцяг
У судзе Цэнтральнага раёна Гомеля 14 мая працягваўся разгляд крымінальнай справы пра закладку «муляжа выбухоўкі», паведамляюць «Моцныя навіны».
На лаве падсудных — 31-гадовы Яўген Зялкоўскі. Спачатку яго вінавацілі ў асабліва злосным хуліганстве па ч. 3 артыкула 339 КК РБ, за што прадугледжаная крымінальная адказнасць у выглядзе пазбаўлення волі аж да 10 год, потым артыкул змянілі на частку 2.
Суд адбываецца ў закрытым рэжыме.
Справу разглядае суддзя Алеся Осіпава.
Мужчыну абвінавачваюць у тым, што восенню мінулага года ён двойчы ўсталёўваў у бязлюдных месцах нацыянальныя сцягі, размяшчаючы паблізу скрынкі, якія можна было прыняць за выбуховыя прылады. Насамрэч у скрынках знаходзіліся пара падшыпнікаў, пустая петарда і карыкатура на АМАП.
Сёння ў судзе Цэнтральнага раёна Гомеля адбыліся судовыя спрэчкі.
У дзеяннях Зялкоўскага, на думку пракурора, бачыцца намер на грубае парушэнне грамадскага парадку: свае сцягі і прылады ён усталёўваў двойчы, выбіраў для гэтага нядзельныя дні, то-бок дні, калі праводзіліся «незаконныя мітынгі».
Бок абвінавачвання лічыць, што віна Яўгена Зялкоўскага даказаная цалкам. Пракурор запытаў для яго пакаранне ў выглядзе чатырох гадоў пазбаўлення волі ў папраўчай калоніі агульнага рэжыму.
Цяпер чытаюць
Зяленскі ў Вільні: Пакуль шпіц Лукашэнкі мае больш правоў, чым народ Беларусі22
Каментары