Саміт ЕС прыняў рашэнне забараніць беларускім авіякампаніям палёты ў Еўрасаюз
Паводле інфармацыі «Нашай Нівы», новы пакет санкцый ЕС набудзе моц 19 чэрвеня.
Еўрасаюз забараніў беларускім авіякампаніям палёты ў краіны ЕС. Еўрапейскім кампаніям рэкамендавана адмовіцца ад перасячэння паветранай прасторы Беларусі.
Еўрапейскі Савет таксама патрабуе неадкладнага вызвалення Рамана Пратасевіча і Сафіі Сапега, заклікае Міжнародную арганізацыю цывільнай авіяцыі ў тэрміновым парадку расследаваць гэты інцыдэнт, прапануе прыняць далейшыя эканамічныя санкцыі, выказаў салідарнасць з Латвіяй у сувязі з высылкай латвійскіх дыпламатаў.
Рашэнне пакуль што не ўступае ў сілу, яно павінна быць яшчэ ўзгоднена і зацверджана ў Радзе ЕС на ўзроўні міністраў.
Нагадаем, 23 мая над тэрыторыяй Беларусі быў вымушаны сесці рэйс Ryanair, які ляцеў з Афін у Вільню. Самалёту давялося змяніць курс і здзейсніць пасадку ў Мінску з-за паведамлення аб бомбе на борце. У самалёце знаходзіўся Раман Пратасевіч. Пасля пасадкі ў Мінску яго затрымалі.
Рашэнні саміту ЕС павінны быць зацверджаныя Радай ЕС на ўзроўні міністраў. Пакуль яны не набылі моц. Паводле інфармацыі «Нашай Нівы», санкцыі набудуць моц 19 чэрвеня.
Цяпер чытаюць
Просты беларус здзівіў людзей, калі ў Германіі прызнаваўся ў любові да Лукашэнкі. Але аказалася, што ён няпросты2
Каментары