Кіраўнік МЗС Германіі: Газавыя санкцыі магчымыя ў сярэдняй і доўгай перспектыве
ЕС абмяркоўваў магчымасць санкцый супраць паставак газу праз тэрыторыю Беларусі, і такі варыянт не выключаецца ў гэты момант, піша ТАСС.
Пра гэта заявіў журналістам у чацвер кіраўнік МЗС Германіі Хайка Маас па выніках нефармальнай сустрэчы міністраў замежных спраў краін ЕС у Лісабоне.
«Гэтае пытанне таксама тут часткова разглядалася, але гэта хутчэй сярэдне- і доўгатэрміновая тэма», — сказаў ён, адказваючы на пытанне аб магчымасці ўвядзення санкцый супраць паставак газу праз Беларусь. «Цяпер я нічога не хачу выключаць», — дадаў Маас.
У той жа час, па яго словах, будуць неабходныя дэталёвыя кансультацыі на гэты конт.
Маас таксама распавёў, што Еўрасаюз вывучае ўсе магчымыя варыянты санкцый супраць Мінска, у тым ліку забарону выпуску дзяржаблігацый у еўра.
«Мы ўсе поўныя рашучасці вельмі хутка рэалізаваць рашэнні Еўрапейскага савета», — сказаў ён. «Мы абмяркоўваем, акрамя таго, пытанне, хто яшчэ патрапіць у санкцыйны спіс — гэта не толькі асобныя людзі, адказныя за тое, што адбылося ў апошнія дні, але і кампаніі», — адзначыў Маас і дадаў, што гаворка ідзе пра прадпрыемствы, якія аказваюць уплыў на эканамічную сітуацыю ў Беларусі, у прыватнасці ў сферы вытворчасці калію і фасфату.
«Гаворка таксама пойдзе аб тым, каб выкарыстоўваць фінансавыя магчымасці ў вобласці сістэмы разлікаў. Асабліва стаіць пытанне, наколькі ў будучыні Беларусі будзе дазволена ажыццяўляць выпуск дзяржаблігацый у Еўропе», — падкрэсліў кіраўнік МЗС Германіі.
«Мы пайшлі так далёка, паколькі дзеянні, якія мы назіралі ў Беларусі, якія мы назіралі з боку Лукашэнкі, маюць тэрарыстычныя абрысы, настолькі непрымальныя, што, уласна кажучы, нічога не можам выключаць», — заявіў Маас.
Што за Дзмітрый Скіндзераў, які абвясціў вайну Ціханоўскай? Супрацоўніцтва з ГУБАЗіКам, даўгі ў Беларусі, даўгі ў Літве37
Каментары