В. а. прэм'ер-міністра Арменіі Нікол Пашынян гатовы абмяняць свайго сына Ашота на ўсіх палонных армян, якія пасля заканчэння вайны ў Нагорным Карабаху знаходзяцца ў Азербайджане.
Пра гэта ён заявіў, адказваючы на крытыку з боку экс-прэзідэнта краіны Сержа Саргсяна, піша panarmenian.net.
Раней Саргсян прапанаваў абмяняць на палонных сына прэм'ера, заявіўшы, што ў такім выпадку Пашынян штодня будзе займацца пытаннем вяртання армянскіх ваеннапалонных. «Няхай свайго Ашота абмяняе на 20-25 салдат, якія ўтрымліваюцца ў Азербайджане», — казаў тады Саргсян.
«Кажу (Ільхаму) Аліеву афіцыйна: прапаную сына ў абмен на ўсіх палонных», — заявіў пасля Пашынян.
Пашынян падкрэсліў, што яго прапанова пра абмен сына на палонных не з'яўляецца эмацыйнай, а афіцыйнай. І ён чакае афіцыйнага адказу ад Баку.
Раней Ашот Пашынян сам заявіў, што гатовы паехаць у Баку ў абмен на ўсіх палонных. Падчас канфлікту ў Народным Карабаху восенню 2020 года ён запісаўся добраахвотнікам.
Цяпер чытаюць
Ананімы — гісторыі беларусаў, якім прыходзіцца шыфравацца, бо рэжым лічыць іх дзейнасць «крыміналам»10
Каментары