Жыхары Беларусі і Украіны, якія захочуць стаць расійскімі грамадзянамі, змогуць без адмовы ад уласнага грамадзянства і не маючы продкаў, якія раней пражывалі на тэрыторыі сучаснай Расіі, атрымаць грамадзянства Расіі.
Пра гэта паведаміў РІА Навіны адзін з аўтараў праекта закона аб рэпатрыяцыі, першы намеснік старшыні камітэта Дзярждумы па справах СНД, еўразійскай інтэграцыі і сувязях з суайчыннікамі Канстанцін Затулін.
Законапраект аб вяртанні суайчыннікаў у Расію будзе занесены ў Дзярждуму ў пятніцу, паведаміў раней Затулін. Ён растлумачыў, каго, згодна з законапраектам, прапануецца лічыць суайчыннікамі.
«Суайчыннікамі прапануецца лічыць людзей, якія самі або чые сваякі па ўзыходзячай лініі (продкі) пражывалі на тэрыторыі сучаснай Расіі, а таксама гэта ўкраінцы і беларусы, якія самі або іх продкі маглі не жыць на тэрыторыі Расіі. Калі яны хочуць і самаідэнтыфікуюць сябе як расійскія суайчыннікі, то мы не павінны ў гэтым выпадку іх не прызнаваць», — сказаў Затулін.
Ён адзначыў, што лічыць важным і апраўданым ўключэнне ў праект закона украінцаў і беларусаў, якія змогуць скарыстацца найбольш спрошчаным парадкам атрымання грамадзянства Расіі.
Над законапраектам працавала група супрацоўнікаў Інстытута краін СНД пад кіраўніцтвам намесніка дырэктара Інстытута Аляксандры Дакучаевай. Закон будзе разгледжаны ўжо новым складам Дзярждумы, сказаў Затулін. На яго думку, рэалізацыя закона можа прыцягнуць у краіну мільёны суайчыннікаў, перш за ўсё з Украіны.
Каментары