Сёння ў сталіцы праходзяць спаборніцтвы па трыятлоне, удзел у іх пацвердзіла каля 1600 чалавек. У сацыяльных сетках і месенджерах пасля старту сталі з'яўляцца відэа, на якіх бачна, як пасля гукавога сігналу даішнікаў, сілавікі, расстаўленыя па шляху руху спартсменаў, спынялі мужчын на ровары і адводзілі ў міліцэйскія бусы.
Так, на адным з відэа бачна, што затрымалі спартсмена пад нумарам 13, у агульным спісе ўдзельнікаў пад ім значыцца Аляксандр Кліменкаў. Жонка мужчыны паведаміла TUT.BY, што яе муж раней не прыцягваўся да адказнасці па адміністрацыйных артыкулах. На іншым відэа бачна, як падчас спынення раварыста міліцыяй ён падае.
Пазней прэс-служба сталічнай міліцыі пацвердзіла, што затрымалі траіх спартсменаў, свае дзеянні сілавікі патлумачылі так: маўляў, спартсмены «дэманстратыўна выкрыквалі лозунгі пратэснага толку». Цяпер з імі праводзіцца разбіральніцтва.
Бяляцкі: Не трэба спяшацца адмяняць санкцыі. Бо гэта будзе ўспрынята рэжымам як яго перамога і слабасць Еўропы15
Каментары