Свет знаходзіцца на ранніх стадыях трэцяй хвалі каранавіруснай інфекцыі, заявіў гендырэктар Сусветнай арганізацыі аховы здароўя Тэдрас Аданам Гебрэісус.
Паводле яго звестак, колькасць новых выпадкаў COVID-19 ва ўсім свеце расце чацвёрты тыдзень запар, а таксама пасля 10 тыдняў зніжэння зноў стала павялічвацца колькасць смерцяў ад віруса.
«Варыянт дэльта прысутнічае цяпер у 111 краінах, і мы чакаем, што неўзабаве ён стане дамінуючым штамам ва ўсім свеце, калі яшчэ не стаў», — сказаў кіраўнік СААЗ.
Гебрэісус таксама паскардзіўся на «шакуючую дыспрапорцыю ў глабальным размеркаванні вакцын», з-за чаго большая частка насельніцтва свету застаецца ўразлівай да інфекцыі.
«Я заклікаў да масавай вакцынацыі як мінімум 10% насельніцтва кожнай краіны да верасня, як мінімум 40% да канца гэтага года і як мінімум 70% да сярэдзіны наступнага года. Для дасягнення гэтых мэтаў нам трэба 11 мільярдаў доз вакцыны», — паведаміў кіраўнік СААЗ.
Цяпер чытаюць
Ананімы — гісторыі беларусаў, якім прыходзіцца шыфравацца, бо рэжым лічыць іх дзейнасць «крыміналам»6
Каментары