Прэзідэнт Літвы Гітанас Наўседа лічыць, што адказным інстанцыям краіны ўдалося пераадолець міграцыйны крызіс, звязаны з масавым наплывам мігрантаў з Азіі і Афрыкі, якія пранікалі на працягу некалькіх апошніх месяцаў у краіну з тэрыторыі суседняй Беларусі.
Аб гэтым кіраўнік дзяржавы заявіў у чацвер журналістам, паведамляе ТАСС.
«Хачу сказаць нашым грамадзянам: самае важнае — тое, што мы змаглі стабілізаваць сітуацыю з міграцыяй», — адзначыў ён.
Прэзідэнт падкрэсліў, што колькасць асоб, якія спрабуюць незаконна перасекчы мяжу, зменшылася ў разы і больш не расце.
«Нам ужо не трэба шукаць новыя месцы для размяшчэння гэтых людзей, колькасць мігрантаў не павялічваецца», — сказаў Наўседа.
З пачатку года на літоўска-беларускай мяжы затрыманыя больш за 4 тысячы нелегальных мігрантаў. Гэта ў 50 разоў больш, чым за ўвесь 2020 год. Прычым пік прыйшоўся на летнія месяцы, напрыклад, 31 ліпеня толькі за адзін дзень былі затрыманыя 216 чалавек.
Цяпер чытаюць
Прабітыя лёгкія, разарваная печань і сэкс з малалетняй: што адбываецца ўнутры беларускай міліцыі і як начальства гэта хавае20
Прабітыя лёгкія, разарваная печань і сэкс з малалетняй: што адбываецца ўнутры беларускай міліцыі і як начальства гэта хавае
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім1414
Каментары