Міністр спорту раскрытыкаваў Вікторыю Азаранка за адмову ехаць на Алімпіяду
Міністр спорту і турызму Беларусі Сяргей Кавальчук у інтэрв'ю sb.by раскрытыкаваў экс-першую ракетку свету Вікторыю Азаранку за яе рашэнне адмовіцца ад удзелу ў Алімпійскіх гульнях.
«Тут засмучэнне не столькі вынікамі, колькі ўчынкам Вікторыі Азаранкі, якая нечакана адмовілася ад удзелу. Калі не прыязджае на Алімпіяду Роджэр Федэрэр, я зразумець магу: ён яшчэ ў Пекіне-2008 сваё золата выйграў і столькі за кар'еру кубкаў заваяваў, што не ў кожны музей змесцяцца. А чым кіравалася Азаранка?
(«НН»: Вікторыя Азаранка — бронзавы прызёр Алімпіяды-2012 у адзіночным разрадзе, тады ж у міксце з Максам Мірным яна заваявала яшчэ і золата.)
Прыкра. Як не пазмагацца за гонар краіны? Не дапамагчы, калі ў табе маюць патрэбу? Не павесці за сабой маладых, натхніўшы іх сваім прыкладам?
Тую ж не заўсёды стабільную Арыну Сабаленку. Ды і ўласныя амбіцыі задаволіць, паспрабаваць замахнуцца на тытул двухразовай алімпійскай чэмпіёнкі. Бо ў пары з Сабаленкай шанец выйграць золата, лічу, меўся цудоўны.
Такія паводзіны не ўпрыгожваюць Азаранку ні як спартсмена, ні як чалавека, ні тым больш як грамадзяніна сваёй краіны.
Новак Джокавіч, напрыклад, вялікі і легендарны, прыехаў у Токіа. І сыграў не за сябе, а за родную Сербію! Гэта выклікае шчырую павагу і захапленне. Скажу больш, абстаноўка, якая склалася сёння ў беларускім тэнісе, мне не падабаецца.
Прага ці нават прагнасць да грошай спарадзілі спажывецкае стаўленне да дзяржавы, якая ўкладвала і ўкладвае ў станаўленне спартсменаў вялікія грошы.
А жыццё і кар'еру пры гэтым многія нашы тэнісісты, на жаль, пералічваюць выключна на даляры».
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу7
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары