Суддзя Лук'янава (суд Добрушскага раёна) пакарала 1 годам калоніі агульнага рэжыму рэпера Яўгена Пятрова за абразу Лукашэнкі, якую следчыя знайшлі ў песні «Лукашенко, уходи» аўтарства маладзёна, перадаюць гомельскія праваабаронцы.
Сам Яўген віны не прызнаў. Ён лічыць, што ў песні, якую ён напісаў летась падчас выбарчай кампаніі, не было абразы, бо пасля абразлівага слова стаяў пытальнік.
Яўген — грамадзянін Расіі, а значыць, пасля адбыцця пакарання, ён будзе дэпартаваны з тэрыторыі Беларусі.
Цяпер ён знаходзіцца ў СІЗА №3 у Гомелі. Невядома, ці будзе хлопец падаваць апеляцыю на рашэнне раённага суда, бо ў яго не было адваката на працэсе.
Раней, 23 жніўня, за рэпост гэтай песні суд пакараў годам калоніі 22-гадовага гамельчука Сяргея Балахонава.
Вынеслі прысуд Паліне Зыль — блогерцы, якая стала нулявым пацыентам справы Гаюна, бо ў яе знайшлі тую самую спасылку ад Матолькі15
Каментары