Лукашэнка раздаў медалі і падзякі Гігіну, Шпакоўскаму, Баравіку і Дзерману
Гігін, Мусіенка і Шпакоўскі ўзнагароджаны медалямі, падзяка Лукашэнкі аб'яўлена Аўдоніну, Баравіку і Дзерману.
Яны ўзнагароджаны медалём «За працоўныя заслугі» і ўдастоены падзякі за «значны ўклад у рэалізацыю дзяржаўнай палітыкі, накіраванай на абарону суверэнітэту, забеспячэнне стабільнасці і бяспекі Рэспублікі Беларусь, кансалідацыю беларускага грамадства».
Медалём «За працоўныя заслугі» ўдастоены дэкан факультэта філасофіі і сацыяльных навук Беларускага дзяржаўнага ўніверсітэта Вадзім Гігін, кіраўнік аналітычнага цэнтра EcooM, член праўлення грамадскага аб'яднання «Саюз пісьменнікаў Беларусі» Сяргей Мусіенка, дырэктар інфармацыйна-асветніцкай установы «Актуальная канцэпцыя» Аляксандр Шпакоўскі.
Падзяка аб'яўлена старэйшаму навуковаму супрацоўніку аддзела ўнутрыпалітычнага аналізу ўпраўлення ўнутранай палітыкі Беларускага інстытута стратэгічных даследаванняў Аляксею Аўдоніну, палітолагу, дырэктару таварыства з абмежаванай адказнасцю «Гарадскі цэнтр пераводаў» Вадзіму Баравіку, навуковаму супрацоўніку дзяржаўнай навуковай установы «Інстытут філасофіі Нацыянальнай акадэміі навук Беларусі» Аляксею Дзерману.
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі
Каментары