У Пермскім краі 12-гадовы хлопчык адкрыў стральбу ў школе. Ніхто не пацярпеў
Здарэнне адбылося раніцай у пасёлку Сарс. 12-гадовы падлетак прыйшоў у школу з паляўнічым карабінам і адкрыў стральбу.
Вучань шостага класа зрабіў два стрэлы ў сцяну і столь, пасля чаго яго затрымалі. У выніку інцыдэнту, які адбыўся да пачатку заняткаў, ніхто не пацярпеў.
Падчас страляніны ў школе знаходзіліся больш за 300 вучняў і 30 педагогаў. Усе яны самастойна пакінулі будынак.
Падлетка раззброіла дырэктарка школы, угаварыўшы яго зайсці на размову да сябе ў кабінет.
Адзін са сведак сцвярджае, што школьнік паводзіў сябе неадэкватна. «Здзяйсняючы стрэлы ў паветра ён выкрыкваў няскладныя фразы, а пры затрыманні крычаў, што кіруецца «ўказаннямі Бога», — распавёў ён.
Сам падлетак заявіў, што ў школе яго цкавалі. «Затрыманы падлетак паведаміў, што падставай для яго правіны стала дрэннае стаўленне аднакласніцы, рэгулярныя крыўды, а таксама булінг», — паведаміла крыніца.
Па папярэдніх даных, зброю падлетак узяў у бацькі. Яно афіцыйна зарэгістравана і знаходзіцца на ўліку.
Малады работнік «Мінск-Арэны» павінен заплаціць 71 мільён даляраў4
Каментары