«Сітуацыя напружаная, трывожная»: Пяскоў пра становішча на беларуска-польскай мяжы
Крэмль спадзяецца, што сітуацыя на мяжы Беларусі і Польшчы не прывядзе да пагроз для бяспекі Расіі, паведаміў журналістам у аўторак прэс-сакратар прэзідэнта РФ Дзмітрый Пяскоў.
«Мы бачым, што адказна працуюць беларускія спецыялісты. Спадзяёмся, што ніякім чынам гэта не прыме форму, якая будзе з'яўляцца пагрозай для нашай бяспекі», — сказаў Пяскоў.
Ён дадаў, што Мінск і Масква знаходзяцца ў пастаянным кантакце, у тым ліку па лініі спецслужбаў. «Таму, вядома, абмен інфармацыяй ідзе», — сказаў Пяскоў.
Каментуючы сітуацыю з мігрантамі на мяжы Польшчы і Беларусі, Пяскоў заявіў, што самае галоўнае — жыццё і здароўе людзей, што там сабраліся.
«Сітуацыя, безумоўна, напружаная, трывожная — гэта патрабуе адказных паводзін усіх бакоў, якія маюць да гэтага дачыненне.
І, вядома, у гэтай сітуацыі самае галоўнае, усё ж такі, жыццё і здароўе тых людзей, вялікай колькасці людзей, якія сабраліся ля мяжы — яны патрабуюць пропуску праз мяжу, спрабуюць пранікнуць праз мяжу, яны патрабуюць прытулку ў Польшчы, на тэрыторыі Польшчы — многія адкрыта пра гэта кажуць. Мы вельмі ўважліва назіраем за гэтым», — цытуе Пяскова ria.ru.
Сітуацыя на мяжы. Што вядома на дадзены момант
Delfi: Сотні нелегалаў перакінулі на мяжу з Літвой
Нямеччына просіць ЕС аб дапамозе ў вырашэнні крызісу на беларуска-польскай мяжы
«Суседзі могуць пайсці на часовую блакаду межаў нават у гандлёвых мэтах». Да чаго яшчэ можа прывесці абвастрэнне міграцыйнага крызісу?
Усе беларускія банкі пачнуць сачыць за месцазнаходжаннем кліентаў? Альфа-банк ужо папярэдзіў, адмовіцца немагчыма16
Усе беларускія банкі пачнуць сачыць за месцазнаходжаннем кліентаў? Альфа-банк ужо папярэдзіў, адмовіцца немагчыма
Каля Сафіі ў Полацку паставілі помнік лётчыкам Нічыпарчыку і Куканенку. Але нават не самалёт той мадэлі, на якой яны загінулі, а аэраплан сталінскага часу2020
Каментары