Памятаеце акцыі «Беларусбанка», што маглі даваць сотні працэнтаў прыбытку? Схему прыкрылі
«У адпаведнасці з рашэннем Назіральнай рады «Беларусбанк» паведамляе аб правядзенні 15 лістапада 2021 года пазачарговага агульнага сходу акцыянераў у завочнай форме з парадкам дня: «Аб адмене рашэнняў Агульнага сходу акцыянераў аб пераводзе (змяненні катэгорыі/тыпа) акцый «Беларусбанк», — такое паведамленне з'явілася на сайце банка.
Іншымі словамі, 15-га лістапада прапануецца закрыць схему ўзбагачэння топ-менеджараў банка праз канвертацыю звычайных акцый банка ў прывілеяваныя, якія гандлююцца ў разы даражэй.
Мы ўжо ў дэталях апісвалі сэнс схемы: «Беларусбанк» прадаваў па 18 капеек акцыі, якія маглі купіць толькі супрацоўнікі.
Праз два гады валодання гэтыя акцыі можна было прадаць шматкроць даражэй — па 3,5-5 рублёў за штуку, пры ўмове пераводу іх у разрад «прывілеяваных».
Працэс прыняцця рашэння быў непразрыстым, а асноўнымі скупшчыкамі акцый былі топ-менеджары банка.
Чытайце таксама: Стала вядома, хто сотнямі тысяч скупляе акцыі «Беларусбанка», якія могуць даваць сотні працэнтаў прыбытку
Цяпер чытаюць
Лукашэнка пра «вялікую здзелку» з ЗША: Гэта не толькі палітвязні6
Каментары