У Беларусі новых прэзыдэнцкіх выбараў пад міжнародным назіраннем не будзе. Пра гэта заявіў Аляксандр Лукашэнка, выступаючы ў сераду на сустрэчы з актывам Віцебскай вобласці, паведаміў тэлеканал СТБ.
Лукашэнка заявіў, што пасля таго, як правесці каляровую рэвалюцыю летась не атрымалася, сталі выкарыстоўваць іншыя рычагі ціску на Беларусь.
— Я вас заўсёды папярэджваў і шчыра казаў: мы не ведаем, які новы рычаг яны будуць выкарыстоўваць для ціску на нас. Але тое, што яны разгарнулі супраць нас гібрыдную вайну, — гэта факт. СМІ, дыпламатычны ціск, палітычны ціск з патрабаваннем неадкладна правесці новыя выбары, выпусціўшы так званых палітвязняў гэтых (яны ў іх і не палітвязні). Але не мы выбары павінны праводзіць, яны прыедуць, правядуць пад эгідай АБСЕ. Вы такія цуды дзе-небудзь бачылі? Каб у якую-небудзь краіну чужынцы прыехалі і правялі выбары! Яны ў нашу цывільную краіну прыедуць праводзіць выбары. Вось іх патрабаванне. Натуральна, я на гэта пайсці не магу, — заявіў Лукашэнка.
Ён дадаў, што нядаўна думаў наконт новых выбараў, але потым перадумаў, паколькі, па яго словах, у грамадстве могуць адбыцца новыя хваляванні.
Цяпер чытаюць
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў34
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай1414
Каментары