Мінфін расказаў пра сітуацыю з дзярждоўгам, але пра тое-сёе прамаўчаў
Дзяржаўны доўг Беларусі на 1 студзеня склаў 58,3 мільярда рублёў. Месяцам раней агульная сума запазычанняў была такой жа. Пры гэтым Мінфін не паведаміў, у каго Мінск займаў у 2021 годзе, а таксама перад кім пагашаў даўгі (раней такія звесткі публікаваліся), звяртае ўвагу Zerkalo.
Колькі грошай за 2021 год вярнулі знешнім крэдыторам
Знешні дзярждоўг на 1 студзеня склаў 18,2 млрд даляраў. Месяцам раней гэтая сума была такой жа. У параўнанні з пачаткам 2020 года знешні дзярждоўг скараціўся на 0,4 млрд даляраў з улікам курсавых розніц, або на 1,9%.
«У 2021 годзе прыцягнутыя знешнія дзяржаўныя пазыкі на суму, эквівалентную 1 млрд 273,1 млн дал., пагашэнне знешняга дзяржаўнага доўгу склала 1 млрд 609 млн даляраў», — паведамляе Мінфін.
У каго канкрэтна Мінск займаў у 2021 годзе, ведамства не паведамляе. Паводле звестак, на пачатак лістапада мінулага года сярод асноўных крэдытораў беларускай эканомікі значыліся: урад Расіі, Міжнародны банк рэканструкцыі і развіцця, Фонд міжнароднага развіцця АПЕК, Экспартна-імпартны банк Кітая, а таксама Еўрапейскі банк рэканструкцыі і развіцця і Паўночны інвестыцыйны банк (СІБ).
Раней у Мінфіне заяўлялі, што дзярждоўг стаў праблемай для эканомікі.
Якая сітуацыя па ўнутраным дзярждоўгу
Унутраны дзяржаўны доўг на 1 студзеня склаў 11,8 млрд руб. (месяцам раней — 11,9 млрд руб.). У параўнанні з пачаткам мінулага года, ён вырас на 2 млрд руб. (з улікам курсавых розніц), або на 19,9%.
У Мінфіне ўдакладняюць, што за 2021 год было размешчана ўнутраных валютных і рублёвых дзяржаўных аблігацый для юрыдычных і фізічных асоб на 1 млрд 237,8 млн дал. і 191 млн руб. кампенсавана валютных і рублёвых дзяржаўных аблігацый для юрыдычных і фізічных асоб на 333,1 млн дал. і 145 млн руб.
Дзярждоўг Беларусі на 1 студзеня 2021 года складаў 57,8 млрд руб., павялічыўшыся за мінулы год на 13 млрд рублёў, або на 29%. Знешні дзярждоўг за год вырас на 8,4% — да 18,6 млрд даляраў.
Цяпер чытаюць
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх17
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары