Святлана Ціханоўская заявіла, што бярэ на сябе паўнамоцтвы прадстаўніка беларускага народа
Святлана Ціханоўская звярнулася да беларусаў і заявіла, што стварае орган улады — пераходны кабінет.
«Сёння зранку Расія напала на Украіну, парушаючы фундамэнтальныя прынцыпы міжнароднага права, — заявіла Ціханоўская. — У гэтым вераломным акце агрэсіі была задзейнічаная беларуская тэрыторыя і Узброеныя сілы Беларусі.
Лукашэнка і яго рэжым цалкам падзяляюць з прэзідэнтам Расіі адказнасць за гэтую вайну. Нелегітымны кіраўнік Беларусі увёў замежныя войскі і зрабіў нашу краіну непасрэдным удзельнікам канфлікту. Гэта дзяржаўная здрада і здрада інтарэсам нашага народа і беларускай дзяржавы.
Такім чынам Лукашэнка не можа лічыцца гарантам незалежнасці і тэрытарыяльнай цэласнасці Беларусі.
Я, Святлана Ціханоўская, на аснове паўнамоцтваў, дадзеных мне беларускім народам у выніку прэзідэнцкіх выбараў 2020 года, бяру на сябе адказнасць з сённяшняга дня адстойваць незалежнасць і нацыянальныя інтарэсы Рэспублікі Беларусь.
Я буду выконваць абавязкі прадстаўніка беларускага народа і гаранта яго правоў і свабод да новых выбараў.
Я ствараю пераходны кабінэт як нацыянальны орган улады Рэспублікі Беларусь. Жыве Беларусь».
Цяпер чытаюць
Выхадцы з «Альфа» КДБ Беларусі займаюць кіраўнічыя пасады ў новым расійскім суперсакрэтным спецпадраздзяленні, прызначаным для забойстваў за мяжою14
Каментары