Адно з нечаканых наступстваў санкцый: у расійскага бізнэсу пачаліся праблемы з чэкавымі стужкамі, папера для іх вельмі падаражэла і пачала знікаць у пастаўшчыкоў.
Кіраўнік аптэчнай сеткі «Рыгла» Аляксандр Філіпаў распавёў «Ведомостям», што чэкавая стужка падаражэла ў 3,6 раза, да 250 расійскіх рублёў за рулон (2,2 даляра па сённяшнім курсе). Яе запасы ўжо скончыліся ў двух з чатырох пастаўшчыкоў, перспектывы адгрузак незразумелыя. Наяўнасць аналагічных праблем пацвярджаюць і ў іншых аптэках і гандлёвых сетках. «Магніт», напрыклад, мае намер скараціць аб'ём дадатковай інфармацыі на чэках і паскорыць пераход на электронныя чэкі.
Большую частку паставак у Расію тэрмапаперы для чэкавых стужак забяспечвала Нямеччына — 60-70%, але цяпер з двух нямецкіх пастаўшчыкоў сыравіны — Koehler і Mitsubishi Paper Mills — застаўся толькі апошні, але і ён зрэзаў адгрузку ўдвая.
Паўднёвакарэйская Hansol Paper і фінская Jujo Thermal Kauttua таксама спынілі адгрузкі тэрмапаперы.
Пастаўкі працягваюць ісці з Кітая, але з мінулага года кошт дастаўкі грузаў адтуль вырас у разы.
Цяпер чытаюць
Хто забараняе ў Беларусі кнігі — вось гэтыя 22 чалавекі32
Хто забараняе ў Беларусі кнігі — вось гэтыя 22 чалавекі
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары